Biziň tejribeli işgärlerimiz tiz zaýalanýan we howply harytlaryň halkara howa ýollary arkaly daşalmagyny guraýar. Biz siziň islegleriňize laýyklykda iň amatly ugurlary saýlap alýarys. Biziň halkara howa şerketleri we howa menzilleriniň ýük terminallary bilen baglaşan ylalaşyklarymyz daşaýyş prosesiniň islendik basgançagynda iň amatly bahalary we şertleri üpjün edýär.

Ýükleriň howa ýollary arkaly daşalmagy ýokary tizlikli gatnawlaryň guralmagy, giň gerimli geografiki elýeterliligi we kezzapçylyk töwekgelçilikleriniň pes derejede bolmagy sebäpli uly islegden peýdalanýar. Biziň toparymyz öz müşderilerimize ýükleri howa ýollary arkaly daşamagyň ähli artykmaçlyklaryndan peýdalanmaga ýardam edýär. Biziň işgärlerimiz müşderileriň talaplaryny we ýörite isleglerini seljermek bilen, iň netijeli gatnawy kesgitleýärler we ýük gatnawlarynyň bahasyny hasaplaýarlar.

Biziň kärhanamyz ýükleriň demirýol ulaglary arkaly daşalyşynda ýokary hilli tejribä eýedir. Demirýol wagonlary üçin niýetlenen duralga, sisternalar, ýapyk wagonlar, gämi daşalýan ulaglar we beýlekileri bilen bilelikde olaryň 600 sanysyny öz içine alýar. “Hazar ýol” HK-ň demirýol ulgamyndaky diwersifikasiýalaşdyrylan telekeçilik işi suwuk görnüşli ýükleri we kömür, däne, kükürt, mineral dökünler ýaly ürgün görnüşli ýükleri, nebit we nebit önümlerini daşamak üçin ýöriteleşdirilendir. “Hazar ýol” HK  ýylda nebit we nebit önümleriniň 300 000 müň tonnasyny we kükürdiň 100 000 müň tonnasyny Özbegistana, Owganystana, Gyrgyzystana, Gruziýa we Ýewropa eksport edýär. Hyzmatlaryň köpdürliligi biziň diňe Türkmenistanda logistiki kärhana bolmagymyz bilen çäklenmeýär. “Hazar ýol” HK, Türkmenistandan üstaşyr geçirilýän ýükleriň operatory hökmünde çykyş etmek bilen, GDA döwletleriniň köpsanly logistiki kärhanalary bilen hyzmatdaşlyk edýär. Üstaşyr geçirilýän ýükleriň mukdary ýylda dört million tonna barabardyr. “Hazar ýol” HK-ň işe başlan döwründen bäri ýükleriň iki million tonnadan gowragy üstaşyr geçirildi.

Biziň kärhanamyz tarapyndan guralýan deňiz boýunça halkara ýük daşamalary – harytlary siziň bellän möhletleriňizde islendik aralyklara eltip gowşurmagyň iň gowy usulydyr. Ýükleri deňiz ulaglary arkaly daşamaklyk iň ýokary derejede amala aşyrylýar!

Deňiz ýol ulaglarynyň peýdalanylmagy arkaly  Hazar deňziniň suw giňişligi boýunça  amala aşyrylýan eksport-import amallary Türkmenistanyň, Russiýanyň, Azerbaýjanyň, Gazagystanyň we Eýranyň arasyndaky söwda-ykdysady aragatnaşygyň esasy ýoly bolup durýar. Bu marşrut konteýnerleriň, suwuk we ürgün görnüşli ýükleriň daşalmagy üçin ulanylýar.

Biziň kärhanamyzyň hünärmenleri ýükleriň deňiz boýunça halkara daşalyşyny guramakda hyzmatlary üpjün edýärler. Şonuň bilen birlikde biz halkara kadalaşdyryjy namalarynyň talaplaryna laýyklykda ätiýaçlandyryş we karantin düzgünleri boýunça hem hyzmatlary üpjün edip bileris. Şeýle-de ýükleriň deňiz boýunça daşalyşyny sargyt eden müşderilerimize harytlaryň portlarda saklanmagy we gorag astyna alynmagy, ýükleme-düşürme işleri bilen bagly mümkinçilikler hem döredilýär.

 “Hazar ýol” HK-ň ygtyýarynda Hazar deňziniň suw giňişliginde yzygiderli ýagdaýda ürgün ýükleriň daşalyşyny, ýükleriň konteýnerler arkaly daşalyşyny  amala aşyrýan “Magtymguly” (umumy sygymy 3086 tn) gury ýük daşaýan gämisi bar, bu bolsa biziň kärhanamyza bazarda çeýelik bilen hereket etmekde we müşderilerimize hyzmat etmekde ep-esli artkmaçlyk berýär. 

Ýükleriň gara ýollar arkaly daşalmagy ýük daşalyşynyň öňden gelýän görnüşleriniň biri bolmak bilen, häzirki wagtda hem daşamagyň iň esasy görnüşi bolup durýar. Biziň toparymyz milli we halkara awtomagistral marşrutlarynyň ähli görnüşlerini hödürleýär. 

Awtoulag logistikasynyň esasy artykmaçlyklary – tizlik, çeýelik we gysga hem-de ortaça uzaklykdaky aralyklarda «gapydan-gapa» eltip bermek mümkinçiligidir. “Hazar ýol” HK islendik görnüşli ýükleri awtoulag serişdeleri arkaly eltip bermek bilen siziň wagtyňyzy we puluňyzy tygşytlamaga ýardam eder.

Aralyk näçe uzak boldugyça, multimodal ýük daşalyşynyň ähmiýeti hem şonça artýar. Utgaşdyrylan awtoulaglar – biri-birinden uzak aralykda ýerleşýän sebitleriň arasyndaky ulag serişdeleri esasynda döreýän bökdençlikleri ýeňip geçmegiň iň gowy usulydyr. Awtoulaglaryň her biriniň özüne mahsus artykmaçlyklary we kemçilikleri bolýar. 

Halkara multimodal ýük ulaglary tarapyndan hödürlenýän birnäçe mümkinçilikler anyk bellenilen  nokada barylmagy üçin portlar boýunça daşalyşy  awtoulag serişdeleri bilen tamamlamakdan ýa-da kenara deňziň beýleki tarapyndan gelýän ýükleriň ýurduň içine geçirilmegi üçin demirýol ulag serişdelerinden peýdalanmakdan ybaratdyr. Biziň toparymyz multimodal ýük daşalyşynyň iň gowy netijelerini kepillendirýär.